நியூ ஓர்லியன்ஸ், ஜனவரி 1:
அமெரிக்காவின் லூசியானா மாகாணத்தில் உள்ள நியூ ஓர்லியன்ஸ் நகரில் புத்தாண்டு கொண்டாட்டத்தின் போது துயரமான சம்பவம் ஒன்று இடம்பெற்றது. நகரின் பிரஞ்சு குடியிருப்பு பகுதியில் உள்ள கானல் மற்றும் பர்பன் தெருக்களில் நேற்று அதிகாலை 3:15 மணிக்கு, ஒரு கார் கூட்டத்தில் அதிவேகமாக புகுந்தது.
இந்தச் சம்பவத்தில் 10 பேர் உயிரிழந்ததுடன், 30 பேர் பலத்த காயங்களுடன் மருத்துவமனைகளில் சிகிச்சை பெற்று வருகின்றனர்.
சம்பவத்தின் பின்னணி
தாக்குதல் நிகழ்த்திய காரின் ஓட்டுனர், விபத்துக்குப் பின்னர் காரிலிருந்து வெளியே வந்து துப்பாக்கியால் தாக்குதல் நடத்தியதாகவும், பின்னர் போலீசாரின் துப்பாக்கிச் சூட்டில் அவர் காயமடைந்ததாகவும் தகவல் வெளியாகியுள்ளது.
காயமடைந்தவர்களின் நிலை:
சம்பவத்தினால் பாதிக்கப்பட்டவர்களை உடனடியாக நியூ ஓர்லியன்ஸ் மருத்துவமனைகளுக்கு கொண்டு செல்லப்பட்டது. அவர்களில் சிலரின் நிலை கவலைக்கிடமாக உள்ளது.
அதிகாரிகளின் நடவடிக்கை
நியூ ஓர்லியன்ஸ் போலீசார் சம்பவ இடத்தை முற்றுகையிட்டு தீவிர விசாரணையை ஆரம்பித்துள்ளனர். நிகழ்வின் பின்னணி மற்றும் தாக்குதலின் நோக்கம் பற்றி தகவல்களைத் தெரிந்துகொள்வதற்காக மேலும் விசாரணை நடைபெற்று வருகிறது.
அரசின் கருத்து
லூசியானா மாநில ஆளுநர் ஜெஃப் லேன்ட்ரி இதை “கொடூரமான வன்முறைச் சம்பவம்” என விவரித்தார். மேலும், அவர் பொதுமக்களை இந்த சூழ்நிலையை சமாளிக்க மன உறுதியுடன் இருக்குமாறு கேட்டுக் கொண்டார். நியூ ஓர்லியன்ஸ் மேயர் லடோயா கான்ட்ரெல், இதை தீவிரவாத தாக்குதல் என குறிப்பிட்டுள்ளார்.
