ராஜஸ்தான் மாநிலம் ஜெய்ப்பூரில் இன்று (டிசம்பர் 20, 2024) காலை 5:30 மணியளவில், அஜ்மீர் நெடுஞ்சாலையில் உள்ள பெட்ரோல் நிலையம் அருகில், ரசாயனங்களை ஏற்றிச் சென்ற டேங்கர் லாரி மற்றொரு வாகனத்தின் மீது மோதியதில் பயங்கர தீ விபத்து ஏற்பட்டது.
இந்த விபத்தில் 5 பேர் உயிரிழந்ததுடன், 30-க்கும் மேற்பட்டோர் காயமடைந்து மருத்துவமனையில் சிகிச்சை பெற்று வருகின்றனர். தீயை கட்டுப்படுத்த 10 தீயணைப்பு வாகனங்கள் சம்பவ இடத்திற்கு விரைந்து, தீயை அணைக்கும் பணியில் ஈடுபட்டன. தீ விபத்தில் பல வாகனங்கள் எரிந்து சேதமடைந்துள்ளன.
